حوار الجد والجده

القصة دار حوارها بالعامية،

دخل الجد والجدة غرفتهم مثل المعتاد مبكراَ وكل واحد منهم أخذ مكانه في الفراش
و دار بينهم الحديث :
الجد/ اليوم العشاء الفاصولية والفول ما فيهم ملح
الجدة/ وشتبي من الملح يرفع ضغطك علينا وإحنا نتبهدل معاك
الجد/هذا إلي تفكرين فيه بس وأنتي مافيك شيئ بسم الله عليك
الجدة/ وأنت ما أستحلى الكلام الآ هل حين في الفراش خلنا أنام
آنا اليوم بردانة برد شديد قم وسكر الدريشة ((النافذة))
الجد/ ليش الجو زين موهب برد الغرفة حار
الجدة/ أشوفك متلحف من الحر حوار الجد والجده 910304

الجد/ أنا مغطي رجولي بس ماني بردان
الجدة/ أنا بقوم وبسكر الدريشة علشان هل برد يروح

قامة الجدة وأغلقت الدريشة حوار الجد والجده 910304

بعد فترة صمت قصيرة بينهم
الجد/ يا بنت الحلال الجو صار حار وأنخنقنا في الغرفة خلي الجو يتغير في الغرفة
الجدة/ أنا بردانة رح في الغرفة الثانية ما صدقت أدفي
الجد/أنتي هل حين دفيتي بعد ما قفلتي الدريشة
الجدة/ أرقد أرقد لاتشغلنا حوار الجد والجده 910304

الجد/ بس أنا مت حر وبموت من الحر
الجدة/ كيفك تحمل
الجد/ أنا بفتح الدريشة وأنتي زيدي عليك الحاف أو خذي لحافي
قام الجد وفتح الدريشة
بعد فترة صمت قصيرة بينهم
الجدة/ أنت ما تحس أنا مت من البرد وأنت ماتحس سكر عنا هالدريشة
الجد/ أنتي خرفتي خلاص ماتنفعين
بعد هذا البراد تبيني أسكر الدريشة على كيفك تحّملي
الجدة/ ماعليك مني سكر الدريشة وأتفاهم معاك
الجد/ أسكر الدريشة وأموت من الحر
الجدة/أجل أنا بقوم وأسكر الدريشة ولا تفتحها حوار الجد والجده 910304

قامت الجدة وقفلت الدريشة
بعد لحظات طرق باب الغرفة
الجدة/ قم شف أش يبون
قام الجد وفتح الباب وكلم الولد ودخل الجد على الجدة وقال لها
الجد/ قومي طلعي من الغرفة
الجدة/ ليش
الجد/علشان ولدك جاب الهندي علشان يركب القزاز للدريشة بدل إلي كسروه عيال ولدك
الجده /اقللقت راحتي يا ابن الحلال انت ورى ما ترقد
الجد/يضحك ضحكه شريره ويقول الامر لازم خليه يصلح الدريشه يا معجز (يقاله يدلع)
الجده/ترفع البطانيه بزعل وتمشي من جنب الجد وتدفه علي الكرسي الي موجود وتقول لا عاد انت يالولد
وتطلع وهي زعلانه ولاندري وش صار بعده

كمليها طيب

تحمست مع هالجده ههههههههههههه

القصه هذي يبيلها تكلمه لازم لازم

لو تخرفين من عندك ماعليه ههههههههههههه

أهم شيء نشوف وش إلي صار ههههههههه

مشكووره على الموضوع ويعطيك العافيه